وزیراعظم کے نام اپنے ایک پیغام میں پرویز الہیٰ نے چند اخبار اور میڈیا ہاوسز کے اشتہارات بند کرنے کی اطلاعات پر تشویش کا اظہار کرتے ہوئے کہا کہ آزادی اظہار رائے جموریت کا حسن ہے۔
حکومت کی اتحادی جماعت مسلم لیگ (ق) کے رہنما اور اسپیکر پنجاب
اسمبلی چوہدری پرویز الہیٰ نے وزیراعظم عمران خان کو اپنے کچھ مشیروں سے محتاط رہنے کا مشورہ دیتے ہوئے کہا کہ ان کے مشیر غلط بیانی سے حکومت اور میڈیا کے درمیان خلیج حائل کر رہے ہیں۔
انہوں نے کہا کہ پاکستان تحریک انصاف (پی ٹی آئی) کے اراکین کو میڈیا میں جانے سے روکنے کی اطلاعات ہیں، اس اقدام سے پی ٹی آئی اپنا نقطہ نظر متوازن طریقے سے عوام کے سامنے نہیں رکھ پائے گی۔
